پولیسو له شپږو ماین چاودنو مخنیوی کړی

د پروان، هلمند، کونړ، خوست، هرات او پکتیا ولایتونو د امنیه قومندانیو منسوبینو د ملي پولیسو له ځانګړو ځواکونو سره یو ځای د شپږو کړیو ځای پر ځای شویو ماینونو له چاودنې مخنیوی کړی دی.
ترهګرو د پروان په سیدخېل ولسوالۍ، د هلمند په مرکز لښکرګاه ښار، د کونړ په سرکاڼو ولسوالۍ، د خوست په علېشېرو ولسوالۍ، د هرات په پشتون زرغون ولسوالۍ او د پکتیا په مرکز ګردېز ښار کې شپږ کړۍ ماینونه د ملکي مرګ ژوبلې په هدف ځای پر ځای کړي وو، چې له چاودنې مخکې د پولیسو لخوا پر وخت کشف او له منځه یوړل شول.
د دې ماینونو په کشف او شنډ سره له ګڼو ملکي مرګ ژوبلو مخنیوی شوی دی.