د پولیسو اکاډمۍ خبرتیا
د کورنیو چارو و زارت هغه شمير ښاغلو افسرانو ته چې د پولیسو اکاډمۍ د ماسټرۍ پروګرام د (عامه ادارې او پالیسۍ او جرم او د جزا حقوقو او جرم پېژندنې) په څانګو کې د شاملېلدو شوق او علاقه لري، خبر ورکول کېږي د ۱۴۴۴ قمري کال د ۴ میاشتې د ۲۱ نېټې څخه تر ۲۶ نېټې پورې په لاندې شرطونو نوم لیکنه کېږي:
۱: نوماند د افغانستان تابعیت ولري.
۲: د کورنیو چارو وزارت برحاله منسوب وي.
۳: د شرعیاتو، حقوقو، اقتصاد، سیاسي علومو، پالیسۍ، عامه ادارې، د جزا حقوقو، جرم او جزا پېژندنې څانګو او د پولیسو اکاډمۍ د لیسانس زده کړیز تائید شوی سند ولري.
۴: د لېسانس پېر د نمرو منځنۍ یې لږ تر لږه ۷۵ سلنه وي.
۵: د ماسټرۍ پروګرام د دوام له پاره باید د اړونده ادارې لیکلې موافقه ولري.
۶: په ماسټرۍ پروګرام کې شاملېدل د سیالۍ له لارې ترسره کېږي.
۷: په ټاکلې موده کې د خپلو فورمې او ژمنلیکونو بشپړول.
۸: په بریا سره د کانکور ځانګړې ازموینې تېرول.
۹: زده کړو ته د دوام ورکولو او د اړوند ټولو قاعدو او مقرراتو مراعتول.
۱۰: د ملکي لوړو زده کړو مؤسسو فارغانو ته د زده کړیزو سندنو (ډېپلوم او د نمرو لړ لیک) پر مهال د لوړو زده کړو د محترم وزارت تائیدول اړین دي.
۱۱: د اصلي تذکرې او دوه قطعو انځورنو لرل.
۱۲: د نوم لیکنې د فورمې بیه (۵۰۰) افغانۍ ده او دا پروګرام یوازې د کورنیو چارو وزارت منسوبینو لپاره دی.
په پورته شرطونو برابر اشخاص کولای شي د شاملېدو او نوم لیکنې د فورمو اخیستلو له پاره د پولیسو اکاډمۍ د ماسټرۍ پروګرامونو آمریت ته مراجعه وکړي.
