هلمند کې د ملکي مرګ ژوبلې په تړاو د کورنیو چارو وزارت اعلامیه
نن د هلمند ولایت د نهرسراج ولسوالۍ په دزنبولي سیمه کې د ملکي وګړو پر یوه ټونېس ډوله موټر د ترهګرو لخوا د ماین چاودنې له امله د ښځو او ماشومانو په ګډون د یوې کورنۍ ۸ غړي شهیدان شوي او ۲ نور ټپيان دي.
ملکي مرګ ژوبله یو جنګي جنایت دی او ترهګر طالبان په هېواد کې د ملکي مرګ ژوبلې ستر عاملین دي.
کورنیو چارو وزارت دا پېښه په کلکو ټکو غندي او ځان د افغانانو د امنیت ساتنې په برخه کې ژمن او مسوول ګڼي.
