امنیتي ځواکونو؛ ۱۲ تنه نیولي او څلور میله وسله ترلاسه کړه
له وروستیو ۲۴ ساعتونو راهیسې د غلاوو، د وسلو د ناقانونه پلور او نورو جنایي جرمونو ۱۴ تنه نیول شوي او څلور میله وسله کشف او ترلاسه شوې ده.
له منځه یې، شپږ تنه د بېلابېلو جنایي جرمونو په تړاو په کندز، درې مسلکي غله او یو تن د وسلې د پلور په تړاو په سرپل، دوه حرفوي غله په هرات، دوه تنه په پروان او یو تن په پکتیا ولایت کې نیول شوی دی.
په ورته مهال، ترهګرۍ سره د مبارزې پولیسو درې میله کلاشینکوفونه په پکتیکا او یو میل د سرپل ولایت په مربوطاتو کې کشف او ترلاسه کړي دي.