۷ ولایتونو کې؛ پولیسو ۱۸ تنه نیولي او د لرګیو د قاچاق مخه یې نیولې
پولیسو په اوو ولایتونو کې له تېرو ۲۴ ساعتونو راهیسې ۱۸ تنه د غلا، قاچاق، دوکې، له کوره د تېښتې او اخلاقي فساد په تړاو ۱۸ تنه نیولي دي.
له ډلې یې، بدخشان کې شپږ تنه د غلا په تړاو، بلخ کې دوه غله او دوه تنه د نامشروع اړیکو په تړاو، دوه تنه په هلمند کې د ۱۸ ټنه اوسپنې د قاچاق په تړاو، دوه غله په ننګرهار، دوه تنه د اخلاقي فساد په تړاو په تخار، یو تن د دوکې په تړاو په پکتیکا او یو تن له کوره د تېښتې په تړاو په فاریاب کې نیول شوی دی.
ورته مهال، د ننګرهار امینه قومندانۍ منسوبینو د زیاتې اندازې سون لرګیو د قاچاق مخنیوی کړی دی.