کندهار کې شپږ تنه د نشه يي توکو د قاچاق په تړاو ونیول شول
د کندهار ولایت د امنیه قومندانۍ له نشه يي توکو سره د مبارزې مدیریت منسوبینو د احمدشاه بابا په نړیوال هوايي ډګر کې شپږ تنه د نشه يي توکو د قاچاق په تړاو نیولي دي.
پدې منځ کې پنځو تنو دوه نیم کیلو ګرامه نشه يي توکي د هیرویینو له ډوله د کپسول په بڼه په خپلو ګېډو کې او یو کس نشه يي توکي په خپل بیک کې ځای پر ځای کړي وو او غوښتل یې هندوستان هېواد ته یې قاچاق کړي، چې هدف ته له رسېدو مخکې د پولیسو لخوا کشف او ترلاسه شول.
د دې کسانو دوسیې د لا زیاتو څېړنو لپاره اړونده بنسټونو ته سپارل شوې دي.