کابل کې ۱۶ تنه د جنايي جرمونو په تړاو ونیول شول

د تېرو ۲۴ ساعتونو په لړ کې پولیسو د کابل ښار د لومړۍ، درېیمې، شپږمې، اومې، نهمې، یوولسمې، دولسمې، دیارلسمې، شپاړلسمې، اولسمې، اتلسمې او یو ویشتمې امنیتي حوزو او همداراز په پغمان او چهار آسیاب ولسوالیو کې د جنايي جرمونو ضد یو لړ اوپراتیفي عملیات ترسره کړي.
د دې عملیاتو په ترڅ کې ۱۶ تنه د بېلابېلو جرمونو په ځانګړې توګه د وژنې، ژوبلې، غلا، چپاولګرۍ، د غیرقانوني وسلو ګرځونې او دوکې په تړاو نیولي دي.
له یادو کسانو څخه دوه میله تفنګچې، یو قبضه برچه او دوه عرادې غلا شوي موټر هم د پولیسو لاسته ورغلي دي.
غلا شوي موټر د پولیسو لخوا بېرته څښتن ته یې سپارل شوي دي.