مطبوعاتي اعلامیه

په دې وروستیو کې ځینو ګذر وکیلانو په ترورېستي کړنو د شکمنو او تورنو کسانو جعلي او په خپل لاس جوړ شوي اسناد تایید کړي. دا چاره د امنیت ضد له عواملو سره د دوی سیده همکاري ښیي. 
ګذر وکیلان حق نه لري څو له پېژندنې، د اوسېدو ځای او د خلکو له تشخیص پرته د دوی ضمانت او تصدیق وکړي. که چېرې داسې کوم سند تر لاسه شي، چې د ګذر وکیل مهر او لاسلیک پرې شوی وي او جعل یې تثبیت شي؛ نو ګذر وکیل به په بېړه د پولیسو لخوا ونیول شي او عدلي او قضایي بنسټونو ته به ور وپېژندل شي.
د ګذر وکیلانو له چارو کره څارنه کېږي او دې خبرتیا ته باید جدي پاملرنه وشي. د امنیت د ټینګښت او همدارنګه د ترهګرۍ پر وړاندې د مبارزې په برخو کې له خپلو امنیتي ځواکونو سره همکار اوسئ.