د یو کلي موټرو په تړاو خبرتیا
امنیتي او ترافیک منسوبینو د تېرو دوه اونیو په لړ کې لسګونه بې اسناده او یو کلي موټر مصادره کړي دي. دا موضوع ډېره اړینه ده، ځکه د شته اطلاعاتو پر بنسټ ترهګر د تېر په څېر له بې اسناده او یو کلي موټرو څخه د ترورېستي فعالیتونو د ترسراوي په پار استفاده کوي. د بې اسناده موټرو مالکین مکلف دي څو قانوني جواز ترلاسه کړي، که نه موټر به یې مصادره شي او هغه مهال بیا د شکایت حق نه لري.
د قانون تنفیذ او تطبیق د حکومت دنده او همدارنګه قانون منل د هر مېشتي مکلفیت دی او همداراز د امنیت د ټینګښت په برخه کې بیا همکاري، اخلاقي او ټولنیز مسوولیت دی.
