د کورنیو چارو وزارت د وړاندیز له مخې او د ولسمشرۍ ماڼۍ د منظورۍ په اساس د لاندې افسرانو ګمارنې هر یو:
۱: پاسوال عبدالفتاح فروغ د امیر محمد زوی د لوی پاسوالۍ په بست کې د امنیتي چارو د ستر معینیت د رییس ارکان په توګه
۲: پاسوال خلیل الله ضیایي د عظیم الله زوی د پاسوالۍ په بست کې د ښوونې او روزنې د قومندان په توګه
۳: مل پاسوال میر عبدالفرید همکار د میر عبدالقدوس زوی د پاسوالۍ په بست کې د مخابرې او مالوماتي ټېکنالوژۍ د عمومي رییس په توګه
۴: سمونوال عظیم الله د عزیز الله زوی د مل پاسوالۍ په بست کې د کابل د ملي پولیسو د ښوونیز مرکز د قومندان په توګه
۵: سمونمل زرمینه د بازوان لور د مل پاسوالۍ په بست کې د ښځینه پولیسو د ښوونیز مرکز د قومندان په توګه
۶: سمونوال عبدالواحد د عبدالصمد زوی د مل پاسوالۍ په بست کې د کندهار ولایت د محبس او توقیف خونو د عمومي مدیر په توګه
۷: مل پاسوال سید احمد علي د سید محمد حسن زوی د مل پاسوالۍ په بست کې د امنیتي چارو د معینیت د عامه امن و نظم د رییس په توګه
۸: سمونوال محمد قسیم د امین زوی د مل پاسوالۍ په بست کې د محبسونو د عمومي ریاست د محاکمو د اړیکو د رییس په توګه
۹: پوهنیار سمونوال محمد علیم د محمد اکرم زوی د مل پاسوالۍ په بست کې د ښوونې او روزنې د عمومي قومندانۍ د پلان او پالیسۍ د مرستیال په توګه
۱۰: سمونوال میوند د محمد محفوظ زوی د مل پاسوالۍ په بست کې د هرات ولایت د محبس د عمومي مدیر په توګه
۱۱: سمونوال محمد مصطفی د محمد عثمان زوی د مل پاسوالۍ په بست کې د ولسي پولیسو د رییس په توګه
۱۲: جګړن پوهیالی خان محمد شینواری د سمونوالۍ په بست کې د کابل د امنیه قومندانۍ د ترافیکو د عمومي مدیر په توګه
منظورې دي.
د کورنیو چارو وزارت د پورتنیو ګمارل شویو افسرانو لپاره په چارو کې د بریا غوښتنه لري او هیله لري چې د خلکو او هېواد د خدمت لپاره د پام وړ هڅې ترسره کړي.