د پاسپورټ عمومي ریاست خبرتیا!
۱۶ رمضان ۱۴۴۳
۲۹ وري ۱۴۰۱
د پاسپورټ ریاست خپلو د پاسپورټ غوښتونکو مراجعینو ته د پاسپورټ د ویش په برخه کې په پام کې لري، چې خپلو هېوادوالو ته لس کلن پاسپورټونه وویشي.
د پاسپورټ ریاست د رهبرۍ د پرېکړې له مخې له دې ورسته هر هېوادوال چې عمر یې له ۱۵ کالونو څخه لوړ وي، باید د پنځه کلن پاسپورټ پر ځای لس کلن پاسپورټ ترلاسه کړي.
دغه راز هغه کم عمره ماشومان چې عمر یې له ۱۵ کالونو څخه کم وي، دوی په یاده پرکړه کې شامل نه دي او د تېر په څېر پنځه کلن پاسپورټونه ورته ویشل کیږي.
د پاسپورټ ریاست یاده پرېکړه د زیاتې ګڼې ګوڼې د کمونې او د پاسپورټونو په برخه کې د لازمو اسانتیاوو د برابرولو په موخه کړي ده.
