د سرپل امنیه قومندانۍ په یوه مطبوعاتي ناسته کې خپلې دوه کلنې لاسته راوړنې له رسنیو سره شریکې کړې.

پولیسو دغلته له تېرو دوو کلونو راهیسې ۷۰۰ تنه د غلا، وژنو، اسنادو جعلي کولو، سړي تښتونو، ځورونو، اخلاقي بې لاریو او نورو  جنایي جرمونو په تړاو نیولي دي.
ورته مهال، په یاده موده کې د سرپل ولایت نشه یي توکو سره د مبارزې منسوبینو  یو زر او ۱۱۷ په نشو روږدي کسان راټول کړي، څه باندې زر روږدي یې له بیستر وروسته خپلو کورنیو ته سپارلي او د نشه یي توکو د ۱۵ کارخونو د له منځه وړلو ترڅنګ یې ۸۰۰ جریبه نشه یي کروندې اړولي دي.
له بل لوري، پولیسو په تېرو دوه کلونو کې ۲۹ تنه د ناقانونه وسلو ګرځولو او عامه نظم ګډوډولو په تړاو نیولي او یوه اندازه وسلې، مهمات او نظامي وسایط یې موندلي او ضبط کړي دي.