د ترهګرۍ ضد ۵۸ عملیاتو په ترڅ کې د ۶۰ ترهګرو د ژول کېدو سربېره ۳۹ کړۍ ماینونه کشف او له منځه وړل شوي
د تېرې اونۍ په لړ کې د هېواد امنیتي او دفاعي ځواکونو په بېلابېلو سیمو کې د ترهګرۍ ضد ۵۸ عملیات ترسره کړي، چې په پایله کې يې ۶۰ ترهګر طالبان وژل شوي، ۳۲ ټپیان شوي او ۹۹ نور یې ژوندي نیول شوي دي.
د دې عملیاتو په لړ کې د ترهګرو د مرګ ژوبلې سربېره د طالبانو ۱۰۳ میله وسلې هم کشف او ترلاسه شوې دي.
همدارنګه امنیتي ځواکونو د چاڼیزو عملیاتو په ترڅ کې د ترهګرو طالبانو ۳۹ کړۍ بېلابېل ډوله ماینونه چې د هېواد په بېلابېلو سیمو کې یې د ملکي مرګ ژوبلې په هدف ځای پر ځای کړي وو، کشف او له منځه وړي دي.