درې تنه د نشه يي توکو د قاچاق په تور نیول شوي.
د بغلان ولایت د امنیه قومندانۍ منسوبینو دوه تنه د نشه يي توکو د قاچاق په تور نیولي.
یادو کسانو پنځه کیلو ګرامه چرس قاچاق کول، چې موخې ته له رسېدو مخکې پولیسو د بغلان مرکزي ولسوالۍ د دو سرکه له سیمې ونیول.
همداراز کابل کې هم پولیسو یو تن د څه باندې یو کیلو شیشه د قاچاق په تور نیولی.
یاد کس د کابل ښار د ارغندې چوک د دروازې د پلټنې په ترڅ کې نیول شوی دی.