د پاسپورټ ریاست خبرتیا!
هېوادوالو! لکه څرنګه تاسې خبر یاست چې د پاسپورټونو د تر لاسه کولو لپاره د مراجعینو زیاتوالی او د تخنیکي وسایلو کمښت د پاسپورټونو د ویش په برخه کې یو لړ ستونزې رامينځته کړې دي
نو له همدې امله د پاسپورت ریاست رهبري په پام کې لري چې د هېوادوالو لپاره د پاسپورټونو د ویش په لړۍ کې درنو هېوادوالو ته د پام وړ اسانتیاوې رامنځته کړي، څو هېوادوال په اسانۍ سره په لنډ وخت کې پاسپورټونه ترلاسه کړي.
په دې اساس د پاسپورټ ریاست د بشری او تخنیکي وړتياوو د لا لوړولو په موخه یو لړ لازم اقدامات پیل کړي، چې دا چاره به تر راتلونکې یکشنبې دوام وکړي.
نو له همدې امله د پاسپورټ ریاست ټولو قدرمنو مراجعینو ته خبر ورکوي چې د یادو دلایل پر بنسټ د پاسپورټونو د ویش لړۍ راتلونکې چهار شنبه، چې د روانې کب میاشتې ۱۸ مې نېټې سره سمون لري، بندیږي او د پاسپورټونو د بیا وېش چاره به د کب میاشتې په ۲۲ مه نېټه بېرته پیل شي.
