د کاپیسا ولایت په محمود راقي، حصه اول او حصه دو ولسوالیو کې لسګونه امنیتي کمرې نصب شوې
کاپیسا ولایت امنیه قومندانۍ د ۲۰ میلیونه افغانیو په ارزښت په یادو سیمو کې امنیتي کمرې نصب کړې.
کورنیو چارو وزارت مخابرې او معلوماتي ټکنالوژۍ ریاست نظامي مرستیال مل پاسوال عزیز الرحمن صلاح الدین وایي چې نصب شوې په عصري ټکنالوژۍ سمبال دي او په ۲۴ ساعته ډول به فعاله وي او د امنیتي ځواکونو سره د جرمونو په مخنیوي کې مرسته کوي.
دغه راز د کاپیسا امنیه قومندانۍ مسوولینو هم د یادو کمرو نصبول د جرمونو په مخنیوي کې با ارزښته وبلل او دا کار یې د ولس د فزیکي او مالي امنیت نیولو په برخه کې یو مهم ګام یاد کړ.