پولیسو نیمروز کې د نشه يي توکو یوه محموله ضبط کړه
د نیمروز ولایت له نشه يي توکو سره د مبارزې منسوبینو د زرنج ښار په اړوند سیمو کې یو لړ عملیات ترسره کړي، چې په ترڅ کې یې ۱۵۳ کیلوګرامه نشه يي توکي کشف او ترلاسه کړي دي.
په یادو نشه يي توکو کې ۱۰۳ کیلوګرامه تریاک، ۳۷ کیلوګرامه هیریین او ۱۳ کیلوګرامه ښیښه شامل دي.
نشه يي توکي په یو عراده کرولا موټر کې ځای پر ځای شوي وو او د عاملینو د نیولو لپاره یې د پولیسو څېړنې روانې دي.