هلمند او ننګرهار کې ۲۰۰ جریبه ځمکه د کوکنارو له کرکیلې پاکه شوه
د کورنیو چارو وزارت له نشه يي توکو سره د مبارزې منسوبینو په هلمند او ننګرهار ولایتونو کې د نشه يي توکو ضد عملیات ترسره کړي، چې په ترڅ کې یې ۲۰۰ جریبه ځمکه د کوکنارو له کرکیلې پاکه کړې ده.
له دې منځه ۱۲۰ جریبه ځمکه د هلمند ولایت په نادعلي، ګرمسېر او ناوې ولسوالیو او ۸۰ جریبه نوره د ننګرهار ولایت په غني خېل، رودات او خوګیاڼیو ولسوالیو کې د کوکنارو له شتونه پاکه شوې ده.