هرات کې د درېیو حرفوي غلو په ګډون څلور تنه ونیول شول
پولیسو د هرات ښار د اتمې امنیتي حوزې په اړوند سیمو کې د حرفوي غلو یوه درې کسیزه ډله نیولې ده.
یادو کسانو د لومړنیو څېړنو پر مهال په بېلابېلو جرمي قضیو په ځانګړې توګه په ښار کې د پیسو د غلا په قضیو کې لاس لرل منلي دي.
له دې کسانو څخه یو شمېر پیسې او یو عراده موټرسایکل هم د پولیسو لاسته ورغلي او د اسنادو له مخې مالک ته یې سپارل شوي دي.
همداراز پولیسو د هرات ښار د دویمې امنیتي حوزې په اړوند سیمو کې هم یو کس د مالونو د غلا په تړاو نیولی دی.