میدان وردګو کې ۲۵ ترهګر طالبان ووژل شول
د ملي پولیسو ځانګړو ځواکونو د کورنیو چارو وزارت د ستر امنیتي معین مل پاسوال خوشحال سعادت په مشرۍ د میدان وردګو ولایت په سیداباد ولسوالۍ کې د ترهګرۍ ضد یو لړ عملیات ترسره کړي.
د دې عملیاتو په پایله کې ۲۵ ترهګر طالبان وژل شوي او د ترهګرو طالبانو یو مهم پټنځای له منځه وړل شوی دی.
د یادو عملیاتو پرمهال د ترهګرو طالبانو څو کړۍ ماینونه، وسلې، مهمات او چاودېدونکي توکي هم کشف او له منځه وړل شوي دي.
د یادونې وړ ده چې ځانګړو ځواکونو د کابل ـ کندهار پر لویه لار پرته "سالار" سیمه هم د ترهګرو طالبانو له شتونه پاکه کړې ده.