لوګر کې درې ترهګر طالبان وژل شوي.
لوګر ولایت کې په دوو بېلو پېښو کې درې ترهګر طالبان وژل شوي او یو بل یې ژوندی نیول شوی.
تېره ورځ یوه ترهګر طالب غوښتل چې د ملي پولیسو منسوبین د لوګر ولایت د محمد آغې ولسوالۍ په شیخک سیمه کې ترور کړي، چې موخې ته له رسېدو مخکې د ملي پولیسو له خوا له یو میل تفنګچې سره ونیول شو.
نیول شوي کس په لوګر کې د نظامي منسوبینو د ترور په څو بېلو پېښو کې لاس درلود.
همداراز د لوګر ولایت د محمد آغې ولسوالۍ په اړوند سیمو کې د ملي پولیسو او ترهګرو طالبانو ترمنځ نښته کې د ترهګرو طالبانو د یوه تیر انداز په ګډون درې ترهګر طالبان وژل شوي دي.