د کورنیو چارو وزارت لومړی مرستیال الحاج مولوی محمد نبي عمري پکتیکا ولایت د خپل سفر په لړ کې، د یاد ولایت له والي او امنیه قومندان سره لیدنه وکړه.
په دغه لیدنه کې، د پکتیکا ولایت مسوولینو د خپلو ضروریاتو په اړه د کورنیو چارو وزارت د لومړي مرستیال سره معلومات شریک کړل.
وروسته ښاغلي عمري په خپلو خبرو کې د یاد ولایت والي الحاج مولوي فیض الله جمال او امنیه قومندان الحاج مولوي عبدالقیوم هلال ته ډاډ څرګند کړ چې، په دغه ولایت کې به ملکي او نظامي برخو ته ځانګړې پاملرنه کیږي او ټولې نمګړتیاوې په حل کیږي.