خوست کې یو کس د څلورو تنو د وژنې په تړاو ونیول شو
تېره شپه د خوست ولایت د امنیه قومندانۍ له جنايي جرمونو سره د مبارزې منسوبینو په اسماعیل خېلو مندوزیو ولسوالۍ کې د یو لړ ځانګړو عملیاتو په ترڅ کې یو کس د یوې کورنۍ د څلورو غړو د وژنې په تړاو نیولی دی.
له یاد کس څخه یو شمېر مهمات او چاودېدونکي توکي چې څه باندې ۶۰۰ ډزه د کلاشینکوف ګولۍ، درې کړۍ بم غورځوونکي، دوه کړۍ لاسي بمونه او یو شمېر چاودېدونکي توکي هم په کې شامل دي؛ کشف او ترلاسه شوي دي.
قضیه اوس مهال د پولیسو تر څېړنو لاندې ده.