کابل ښار ته د ننوتلو پر مهال یو قاچاقبر نیول شوی او ننګرهار کې ۱۲ کیلوګرامه نشه يي توکي کشف او ترلاسه شوي
د کابل ښار د شمالي دروازې "خیرخانې کوتل" سیمه کې د نشه يي توکو یو قاچاقبر پداسې حال کې ونیول شو، چې غوښتل یې نهه کیلوګرامه چرس کابل ښار ته قاچاق کړي.
یاد قاچاقبر نشه يي توکي په یو عراده سراچه ډوله موټر کې ځای پر ځای کړي وو.
همداراز له نشه يي توکو سره د مبارزې منسوبینو د ننګرهار ولایت د مرکز جلال اباد ښار د نهمې ناحیې په اړوند سیمو کې هم د نشه يي توکو ضد یو لړ عملیات ترسره کړي، چې په ترڅ کې یې ۱۲ کیلوګرامه نشه يي توکي کشف او ضبط کړي دي.
د دې قضیې په تړاو دوه تنه نیول شوي او یادو کسانو نشه يي توکي په یو عراده رېکشا کې ځای پر ځای کړي وو.