کابل کې اوه تنه د نشه يي توکو د پلور او قاچاق په تړاو ونیول شول
له نشه يي توکو سره د مبارزې منسوبینو د کابل ښار د اتمې او شپاړلسمې ناحیو په اړوند سیمو کې د درېیو بېلو عملیاتو په ترڅ کې اوه تنه د نشه يي توکو د پلور او قاچاق په تړاو نیولي دي.
له دې منځه پولیسو د اتمې ناحیې په سیمو کې پنځه تنه له دوه کیلو ګرامه ښيښه او ۷۰۰ قرصه تابلېت K سره او د شپاړلسمې ناحیې په اړوند سیمو کې دوه تنه له ۱۱ کیلو ګرامه چرسو سره یو ځای نیول شوي دي.