غزني کې څلور ماین خښوونکي وژل شوي او له څلورو ماین چاودنو مخنیوی شوی
غزني کې ترهګرو طالبانو ته تړلي څلور ماین خښوونکي د خپل لاس ماین چاودنې له امله وژل شوي دي.
دا ترهګر پرون سهار هغه مهال ووژل شول، چې د غزني ولایت د اندړ ولسوالۍ په "عليزی" سیمه کې یې غوښتل په یو جومات کې دننه ترورېستي بریدونه طرح کړي او د سړک غاړې پر ماین جوړونه بوخت وو.
همداراز ملي پولیسو د غزني ولایت په واغظ ولسوالۍ او د غزني ښار د درېیمې او شپږمې امنیتي حوزو په اړوند سیمو کې له څلورو ماین چاودنو مخنیوی کړی دی.
ترهګرو طالبانو یاد ماینونه پدې سیمه کې د ترهګریزو بریدونو په هدف ځای پر ځای کړي وو.
د دې ماینونو په کشف او شنډ سره له څلورو ترورېستي پېښو چې د ملکي مرګ ژوبلې لامل کېدل، مخنیوی شوی دی.