کابل ښار کې ګرځبندیز جدي شوی

څرنګه چې د کورونا ویروس کړکېچ د پراخېدو په حال کې دی، نو پر دې بنسټ ملي پولیس مکلف دي څو د دې ویروس له خپرېدو د مخنیوي په پار وضع شوي محدودیتونه په جدي توګه پلي کړي.

سر له ننه له کوره بهر تګ راتګ په تېره بیا له اړینو وظیفوي چارو پرته په واټونو کې ګرځېدنه په جدي ډول منع شوې او پولیس پدې برخه کې له سرغړوونکو سره قاطع چلند کوي.

کور پاتې شئ او پدې وسیله په کورونا ویروس له اخته کېدو د مخنیوي لپاره خپل، کورنۍ او خلکو ژوند وژغورئ.