بغلان کې دوه تنه د چرسو د قاچاق په تړاو ونیول شول
د بغلان ولایت د امنیه قومندانۍ له نشه يي توکو سره د مبارزې منسوبینو پنځه کیلو ګرامه چرس کشف او ترلاسه کړل.
یاد نشه يي توکي د یوه کرولا ډوله موټر په ټانکۍ کې ځای پر ځای شوي وو او قاچاقبر غوښتل کابل ته یې ولېږدوي، چې له قاچاق مخکې د بغلان ولایت د مرکز پلخمري ښار په اړوند سیمو کې د پولیسو د اوپراتیفي عملیاتو په پایله کې کشف او ضبط شول.
د دې نشه يي توکو د قاچاق په تړاو دوه تنه نیول شوي دي.