۸ ولایتونو کې؛ پولیسو ۲۴ تنه نیولي او د ځنګلي لرګیو د قاچاق مخه یې نیولې
امنتي ځواکونو د تېرو ۲۴ ساعتونو په لړ کې د هیواد په اوو ولایتونو کې د غلا، دوکې او نورو جرمونو په تړاو ۲۴ تنه نیولي دي.
له ډلې یې، اته تنه د بېلابېلو جرمونو په تړاو په کنړ، پنځه وسله وال او مسلکي غله په کندز، څلور د موټرونو غله په کندهار، درې غیر مسؤله وسله وال د جنایي جرمونو په تړاو په سرپل، دوه تنه د دوکې په تړاو په پکتیا او دوه تنه د غلا په تړاو په بامیان او زابل کې نیول شوي دي.
ورته مهال، د ننګرهار امنیه قومندانۍ منسوبینو د یاد ولایت په مربوطاتو کې د سون د ځنګلي لرګیو د قاچاق مخنیوی کړی دی.