کابل کې دوه حرفوي غله ونیول شول

hakimi-moi
Sat, Apr 18 2020 10:26 AM
01

پولیسو د کابل ښار د لومړۍ، دویمې او اتمې امنیتي حوزو په اړوند پرتو سیمو کې دوه وسله وال حرفوي غله چې د وسله والو غلاوو او شکونې په بېلابېلو قضیو کې یې لاس درلود، نیولي دي.

دا غله له څه مودې راهیسې د پولیسو تر څار لاندې وو، چې د کابل ښار د لومړۍ امنیتي حوزې په اړوند سیمو کې د پولیسو لخوا تر پېژندنې وروسته نیول شوي دي.

نیول شویو وسله والو غلو کابل ښار کې د وسله والو غلاوو او شکونې د بېلابېلو جرمي قضیو په طرح او سازماندهۍ اعتراف کړی دی.